Lycans, d'innocent gisubhan og daog
CEBU, Philippines — Gisubhan dayon og daog ang Lycans ug D' Innocent sa una nilang duwa sa NorthBall 2K19 (6-feet under) basketball tournament niadtong Domingo didto sa Magay Compostela basketball court.
Ang Lycans miagi pa og kalisud una nila maangkon ang kuwatro puntos nga kadaogan batok sa D'Barrs, 96-92.
Si John Fitz Banzon miiskor og 20 puntos uban ang upat ka assists ug tulo ka rebounds nga igo na kaayo alang kaniya aron ilhon isip best player of the game.
Laing upat niya ka teammates ang miiskor sab og double figures.
Sila si Hermosilla, Cahigas ug Paradiang parehong mikadlit og 17 puntos alang sa naparot nga D' Barrs.
Sa laing bahin, ang D' Innocent yano kaayo midaog pinaagi sa paglubong sa DLC, 112-90.
Napiling best player of the game mao si Parejo nga miburak og 19 puntos.
Ang mga duwa gipadagan ni league commissioner Ramon Lacno Jr.
PUNTOS MATAG USA
Unang duwa:
LYCANS (96) – Banzon 20, Jayson 18, Abella 15, Suico 12, Pongautan 11, Bejoc 5, Bejoc 5, Davidson 4, Bontia 3, Villamor 2.
D'BARRS (92) – Hermosilla 17, Paradiang 17, Cahigas 17, Bravo 15, Meca 14, Casas 4, Cuyos 2, Cahigas 2, Batulan 2, Doroy 2.
Ikaduhang duwa:
D'INNOCENT (112) – Pareja 19, Calo 17, Castro 13, Cabahug 11, Velasco 11, Montero 10, Romeral 10, Tudio 8, Wagas 4, Cabusas 4, Maning 3, Villaruel 2.
DLC (90) – Marquez 18, Andrade 17, Baylon 15, Almaden 14, Marson 11, Marquez 7, Sotto 2, Pescante 2, Tito 2, Hermosilla 2, Murillo 2.
- Latest
