Pilipinas pilde sa Kazakhstan
CEBU, Philippines — Nakasinati og sakit nga kapildihan ang Gilas Pilipinas human mapilde ngadto sa Kazakhstan, 88-92 sa FIBA World Cup 2019 qualifiers sa miaging gabii didto sa Mall of Asia (MOA) Arena. Ang Pilipinas nga maoy inilog naglisud ug nitiurok batok sa mas agresibo ug hingigo nga Kazakhs.
Si Gilas coach Yeng Guiao miangkon nga sala niya ang tanan tungod kay nasipyat siya sa pagtapad sa iyang mga batos batok sa mga Kazakhs nga mipakita sa ilang kaagresibo ug paspas nga duwa
Wala usab natarong og bahig ni Guiao ang line-up hinungdan nga wala siya kahimo og solusyon sa duha ka Kazakhstan scorers nga sila si Alexandr Zhigulin ug Anton Bykov nga nagkumboya og 50 puntos.
Wala sab kaayo gamita ni Guiao ang 'twin towers' nila ni JuneMar Fajardo ug Greg Slaughter tungod kay dili kini haom batok sa paspas nga duwa sa Kazakhstan. Si Fajardo nakahimo og 15 puntos, samtang si bokya si Slaughter.
Nangulo sa Gilas mao si Stanley Pringle sa iyang game-high 29 puntos.
Ang Gilas nga natagak ngadto sa 5-4, kinahanglan nga modaog sa ilang duwa ugma batok sa Iran (6-3) aron mahayan ilang tsansa nga makasud sa 2019 World Cup.
- Latest
