Rockets coach nasuko sa iyang players

CEBU, Philippines — Wala kapugong si Houston Rockets coach Mike D'Antoni sa pagpadayag sa iyang kadismaya  ngadto sa iyang  mga batos  sa bati nga sugod sa ilang kampanya sa 2018-2019 NBA season.

Ang Rockets nga gitan-aw unta nga lig-ong  contender gikan sa Western Conference  nga ikaduha sa nangiwit sa standing uban ang   1-5 nga baraha.

Wala makasabot si D'Antoni  kun  unsa kining hitaboa.

Milig-on unta ang  Rockets  tungod  sa pagkuha nila  veteran Carmelo Anthony, apan wala pa sila kahimo og nindot nga winning-streak sa sayong bahin sa season.

"Right now, we're playing like crap," matud pa ni D'Antoni sa ESPN. "We're just not playing well. You know, I don't have a whole lot of answers for you now. We'll look, and we'll fight it."

Si D'Antoni miingon nga usa sa rason sa ilang kalisud mao ang dili maayong opensiba sa duha niya ka stars nga sila si Chris Paul ug reigning MVP James Harden.

Hinuon, si D'Antoni miingon nga ang nakanindot kay bag-o pa  nagsugod ang season ug aduna pa sila taas nga panahon pag-usab sa  ilang duwa.