Cousins gi-eject bisan wala moduwa
CEBU, Philippines — Dili kasarangan ang nahitabo kagahapon atol sa duwa sa Golden State Warriors ug sa New York Knicks didto sa Madison Square Garden.
Kini gumikan kay gi-eject sa korte sa mga reperi ang injured star center sa Warriors nga si DeMarcus Cousins.
Si Cousins nga naglingkod lang sa bench sa Warriors kay dili pa kaduwa tungod sa injury, gitawgan og technical foul sa referee nga miresulta sa pagpagawas kaniya sa korte.
Gipitohan og technical foul si Cousins dihang nakigbinayloay siya og ngil-ad nga pulong ni Knicks forward Enes Kanter.
Wala ra mihatag og pamahayag si Cousins sa maong hitabo, apan iyang coach nga si Steve Kerr miingon nga nadala lang si Cousins sa iyang emosyon tungod kay gusto na kini moduwa.
Si Cousins na-injured sa miaging season dihang player pa siya sa New Orleans Pelicans.
=====
Butler kuhaon sa Rockets
Lemuel P. Maglinte
CEBU, Philippines — Nagplano karon ang kadagkoan sa Houston Rockets moporma og usa ka title contender karon nga season ug gusto nila nga kuhaon si Jimmy Butler gikan sa Minnesota Timberwolves. Ang NBA insider nga si Adrian Wojnarowski mitaho sa ESPN nga ang Rockets mitanyag og labaw sa duha ka players ngadto sa Timberwolves aron mabira si Butler.
Sa wala pa magsugod ang NBA season, si Butler una na nga mipadayag sa iyang tinguha nga mohawa sa Timberwolves tungod kay wala na dili na siya malipayon nga moduwa sa koponan.
Gisuwayan sa Minnesota pagpangita og koponan nga ilang ika-trade nga anaa si Butler, apan wala sila makakita atol sa pre-season.
Kun madayon ang pagbalhin ni Butler, ang Rockets mapun-an og puwersa tungod kay anaa na daan ang MVP nga si James Harden ug veteran All-Stars nga sila si Chris Paul ug Carmelo Anthony.
- Latest
