Caguioa moduwa hangtod 50-anyos
CEBU, Philippines — Nagtuo si multi-titled PBA coach Tim Cone nga magdugay pa si Barangay Ginebra veteran Mark Caguioa sa liga ug moduwa pa kini hangtod mo-edad na kini og 50-anyos.
Si Cone nagkanayon nga sa edad nga 38-anyos, si Caguiao maisip gihapon nga masaligang scorer sa Ginebra ug gani niadtong Biyernes nalakip siya sa kasaysayan human makahimo sa ika-10,000 niyang career point.
Ang 17-year nga beteran miiskor og 16 puntos atol sa ilang kadaogan batok sa NLEX Road Warriors didto sa Smart Araneta Coliseum.
Si Caguioa maoy ika-16 sa kasaysayan sa PBA nga nakarehistro og 10,000 point.
Sa kasamtangan, ang 45-anyos nga si Asi Taulava sa NLEX Road Warriors ang labing edarang active player, apan si Cone nagtuo nga taas pa ang lahutay ni Caguiao ug posible kini nga magdugay tungod kay miduwa kini karon isip bench player sa Ginebra.
Related video:
- Latest
