Asiad medalists kitaon ni Duterte

CEBU, Philippines – Mutambong sa usa ka courtesy call ang tanang mga atletang Pinoy nga nakakuha og medalya sa miaging 18th Asian Games didto sa Indonesia.

Ang mga atleta nga mihatag og dungog sa nasud makigkita ni Presidente Rodrigo Duterte diin muhatag og dugang incentive ang opisina niini ngadto sa mga medalists.

Nasayran nga gi-anunsiyo ni Duterte nga muhatag siya og dugang cash incentive ngadto sa mga nakakuha og medalya. Si Duterte mupuno og P1 million sa mga gold medalists, P500,000 sa silver medalists ug P200,000 sa mga nakabingwit og bronze.

Ang maong mga atleta muadto usab sa Senado diin magpaabot kanila ang mga Senador nga muhatag usab og pasidungog kanila.