Philippines vs. Syria

CEBU, Philippines – Determinado ang Philippine men's basketball team nga  modaog sa katapusan nilang duwa sa 18th Asian Games karong adlawa.

Ang Pilipinas moharong sa Syria alang sa ikalimang dapit sa standing sa alas-6:30 sa gabii didto sa Istora Gelora Bung Karno Gym sa Jakarta, Indonesia.

Si Phl team coach Yeng Guiao miingon nga bisan  wala na sila'y pag-asa  sa  medalya, kontento na siya nga malabwan ang seventh place finish sa Gilas Pilipinas sa miaging 2014 Asian Games.

Ang mga Pinoy'ng basketbolista  mihimo sa  katapusan nilang team practice kagahapon uban ang Fil-Am NBA cager nga si Jordan Clarkson nga mipakita og kalagsik.

Ang Cleveland Cavaliers point guard  miingon nga buhaton niya ang tanan kay gusto  siya nga mohatag og daog sa katapusang duwa sa Pilipinas sa dili pa siya mobalik sa Estados Unidos.