Carter di pa andam moretiro

CEBU, Philippines — Dili pa  makasulti si Vince Carter nga ang ika-21 niyang NBA season mao na iyang katapusan.

Kagahapon, si Carter mipirma og usa ka tuig nga kontrata uban sa Atlanta Hawks nga maoy ikawalo niyang team sa mabulokon niyang karera.

Sa edad nga 41, si Carter mao karon ang labing tiguwang nga aktibong player sa liga.

Wala pa siya'y plano sa pagka karon nga moundang og duwa.

  "I know playing this game that the media and the fans and people can be cruel," matud pa ni Carter dalang pakatawa. "It's like, 'You're old and you're playing against guys half your age. You shouldn't be out here.' But then for me that is my goal, to prove that I'm able to do that. And I put in a lot of work in mentally as well as physically just preparing myself."

Bisan ang Atlanta maoy usa sa labing huyang nga puwersa sa umaabot nga season, si Carter gusto nga moduwa sa Hawks kay mitanyag kini niya og kahigayonan  nga maka-angkon siya og dugang minutos.  

Magsugod ang ilang training camp karong Septiyembre 25.

Ang 1999 Rookie of the Year uban sa Toronto Raptors, si Carter mipakita'g aksiyon sa miaging unom ka tuig uban sa Dallas Mavericks, Memphis Grizzlies ug Sacramento Kings.

Sa miaging tuig, si Carter mi-average og 5.4 points ug 2.6 rebounds sud sa 58 ka duwa uban sa Kings. Bisan tuod og edad-edaran na, si Carter miinsister nga batan-on pa siya og utok ug duna pa'y katakus nga makigbatok sa mga banggiitang basketbolista karon sa liga.