Che’Lu, Go For Gold patayan
Laro Ngayon(Ynares Pasig)
5pm Che’Lu Bar and Grill vs Go For Gold
MANILA, Philippines — Ubusan ng lakas, wala nang bukas kaya’t ilalabas na ng Che’Lu Bar and Grill at Go For Gold ang itinatago nilang alas sa winner-take-all Game 5 ng 2018 PBA D-League Foundation Cup best-of-five championship showdown sa Ynares Sports Arena sa Pasig City.
Pag-aagawan ng Revellers at Scratchers ang kampeonato sa rubber match ng serye sa alas-5 ng hapon.
Naipuwersa ng Che’Lu ang do-or-die matapos tustahin ang Go For Gold sa bendisyon ng 88-81 panalo sa Game 4 noong Martes.
At desidido ang Revellers na masungkit ang korona sa pagkakataong ito matapos makawala sa kanila ang titulo sa Aspirants’ Cup.
Aasahan ng Revellers si Conference MVP Jeff Viernes kasama sina Jessie Collado, Chris Bitoon at Stephen Siruma.
- Latest
