Philippine taekwondo team sugod na ilang kampanya sa asiad

CEBU, Philippines — Taliwala sa hugot nga kompetisyon nga ilang giatubang, ang mga sakop sa Philippine taekwondo team mobuhat sa tanan nilang mahimo sa pamasin nga makahatag og medalya sa Pilipinas sa pagsugod sa aksiyon sa 18th Asian Games karong adlawa didto sa Indonesia.

Ang poomsae team mogamit sa ilang kasinatian  nga nakuha nila sa ilang pagsalmot sa mga international tournaments ug suwayan nila nga makuha ang upat sa 20 ka medalya nga gitagana sa taekwondo event.

Sila si Dustin Jacob Mella, Joerdan Dominguez ug Rodolfo maoy mga pambato sa men's class, samtang sila si Faye Crisostomo,  Janna Dominguez Oliva ug ang Sugboanang si Rinna Babanto sa women's division.

Gawas sa taekwondo, himuon sab karon ang elimination sa shooting, fencing, swimming,  wrestling ug wushu.