6th Recoletos Run gilusad
CEBU, Philippines — Ang University of San Jose-Recoletos Alumni Association mopahigayon sa ikaunom nga edisyon sa "Recoletos Run" karong Septiyembre 16 nga magsugod ug matapos sa Plaza Independencia.
Dul-an sa 3,000 ka runners ang gilauman nga mosalmot sa maong lumba nga gibahin sa 3K, 6K ug 12K categories.
Si USJ-R Alumni Association Board of Trustees member Engr. Norberto Flores miingon nga ang tumong sa lumba mao nga makatigom og salapi aron gamiton sa pagpatungha nila sa ilang mga scholars.
"Our goal is to support more scholars. We helped three scholars to graduate during our previous run and we are currently supporting five more scholars," matud pa ni Flores atol sa press conference kagahapon didto sa Vienna Kaffehaus.
Ganting salapi ug medalya ang giandam alang sa top finishers sa matag kategoriya. Ang kampiyon sa 12K Open makadawat og P2,000, samtang P1,500 ug P1000 sa 6K ug 3K. Ang tanang finishers makadawat usab og specially designed medal.
Ang registration fee nagkantidad og P300 sa 3K, P400 sa 6K ug P500 sa 12K dala na ang race shirt, singlet ug snacks. Niadtong mga interesado mahimong magparehistro sa USJ-R Alumni office sa USJ-R main campus.
- Latest
