Alaska Ironkids mosikad na
CEBU, Philippines – Dul-an sa 400 ka mga aspiring triathletes ang mopakita sa ilang abilidad sa final leg sa 2018 Alaska Ironkids sayo karong buntag didto sa Shangri-La Mactan Resort and Spa sa Lapu-Lapu City.
Ang Talisay Luigi Triathlon Group (TLTG) mao ang adunay labing daghan nga entrante.
"We are fielding in 28 entries this time. Mas nidaghan pa gyud mi karon," matud pa ni coach Andoy Remolino.
Nag-unang pambato sa TLTG si Moira Erediano nga manalipod sa iyang titulo sa 13-14 class. Atngan usab siya sa girls 11-12 category. Si Al Dustin Bersabal laraw nga mohimo og 'back-to-back' championship sa 6-8 class, samtang sila si Dexia Bersabal ug Zurielle Galo lakip sa mga Cebu athletes nga gilauman nga maka-gold.
Gawas nga opening event sa dili pa ang Ironman 70.3, ang Ironkids gituyo usab sa Alaska aron paghatag og kahigayonan sa mga batan-on nga mahilig sa triathlon.
- Latest
