Revellers may misyon sa Generals
MANILA, Philippines — Masolo ang liderato ang muling tatargetin ng Che’Lu Bar and Grill sa pagharap nito sa Batangas-Emilio Aguinaldo College sa pagpapatuloy ng 2018 PBA D-League Foundation Cup sa Ynares Sports Arena sa Pasig City.
Nakatakda ang engkuwentro ng Revellers at Generals sa alas-3 ng hapon habang magtutuos naman ang Centro Escolar University at AMA Online Education sa ala-una.
Magkasalo ang Che’Lu at Go For Gold sa unahan ng standings tangan ang parehong 6-2 marka para kubrahin ang unang dalawang silya sa semis,
Maiiwan ang bakbakan para sa dalawa pang nalalabing tiket sa Final Four sa pagitan ng Marinerong Pilipino (5-3), CEU (4-4) at Batangas (3-5).
Aasahan ng Revellers sina Jeff Viernes at Chris Bitoon na siyang nagtulong para kubrahin ang 78-57 panalo sa Generals sa kanilang unang paghaharap sa first round. (CCo)
- Latest
