Simpson mobalik sa Aces
CEBU, Philippines – Sa tinguha nga makaangkon og 'twice-to-beat' advantage sa playoffs, ang Alaska Aces mikuha pagbalik sa ilang champion import nga si Diamon Simpson.
Ang Alaska makig-sangka sa Phoenix Fuel Masters karong alas-4:30 sa hapon sa PBA Commissioner's Cup didto sa Cuneta Astrodome.
Ang kadaogan karon sa Aces mohatod kanila sa ikaduhang dapit sa standing uban ang 7-3 nga baraha.
Si Simpson maoy mihatag og titulo sa Alaska niadtong tuig 2010. Gihulipan ni Simpson si Antonio Campbell nga miuli sa Estados Unidos aron moapil sa NBA Summer League.
Sa main game sa alas-7 sa gabii, ang Barangay Ginebra Kings ug GlobalPort Batang Pier mag-abot sa usa ka 'do-or-die' nga duwa.
Ang duha pulos adunay 5-5 win-loss records og ang modaog segurado na sa luna sa playoffs.
- Latest
