Jordan gisaytan na sab sa Mavs

CEBU, Philippines — Pakyas sila pagbira ni All-Star center DeAndre Jordan niadtong tuig 2015, apan ang kadagkoan sa Dallas Mavericks wala mawad-ig paglaum ug padayon nilang agnihon ang  high-flyer nga moduwa kanila sa sunod season.

Ang Mavs miduol sa mga agent ni Jordan human masayri nga dili na kini interesado nga  magpabilin sa Los Angeles Clippers.

Sama sa mga init nga NBA stars, si Jordan mibalibad na usab nga motiwas sa nahibiling usa ka tuig niya nga kontrata sa Clippers.

Si Mavs coach Rick Carlisle nagkanayon nga kinahanglan gyud sa ilang koponan si Jordan  ilabi na nga gusto sila makakuha og lig-ong sentro nga motabang sa edaran na nga si Dirk Nowitzki.