Twice-to-beat tuyo sa Aces
CEBU, Philippines – Bisan og wala pa kaduwa ang duha nila ka mga bitoon, ang Alaska Aces usa karon sa mga title contender sa PBA Commissioner's Cup.
Ang Alaska laraw karon nga mosakmit sa ikapito nilang daog sa walo ka duwa nga motukmod kanila sa unang dapit sa standing ug mohatag kanila og 'twice-to-beat' advantage sa quarterfinals.
Ang Aces moharong karon sa NLEX Road Warriors karong alas-7 sa gabii human sa duwa sa Meralco Bolts ug Blackwater Elite nga sugdan sa alas-4:30 sa hapon didto sa Mall of Asia Arena.
Wala man tuod ang ilang mga sinaligan sa opensa nga sila si Calvin Abueva ug Jeron Teng, apan mas milig-on ang Aces tungod sa pagsulbong ni Vic Manuel nga mi-average na og kapin sa 30 puntos matag duwa nga naghimo karon kaniya nga lider sa koponan.
Sa ilang bahin, ang NLEX maningkamot karong modaog aron may paglaum pa nga moabante sa playoffs.
- Latest
