Pardo Builders, AYA CCA sud semis

CEBU, Philippines – Parehong gilubong sa Pardo Builders ug AYA CCA ang ilang mga kaatbang aron mabira  ang katapusang duha ka luna sa semifinals sa Pardo Golden Dribblers 50-above Basketball  Tournament 2018.

Ang Pardo Builders mitagak sa Blessil Tungkil, 57-39 samtang ang AYA CCA mipalagpot sa LBG Lagtang sa quarterfinals niadtong Martes sa gabii didto sa Inayawan Sports  Complex.

Dominante kaayo ang Pardo Builders sa duwa  ug milansang kini og 30-17 sa halftime. Aron gyud maseguro ang daog, ilang gibingat ang labaw ngadto na sa 17 puntos paingon sa fourth quarter.

Sa laing bahin, si Boy Bual mikadlit og 20 puntos aron pangulohan ang AYA CCA mao sab ang midominar sa maong duwa. Ang LBG Lagtang gipangulohan ni Chef Abatayo sa iyang game-high 13 puntos.

Ang liga nahimo pinaagi sa paningkamot ni Lando Almojallas.

PUNTOS MATAG USA

Unang duwa:

PARDO Builders (57) – Yap 10, Rosito 10, Regidor 8, Diaz 6, Espinosa 6, Dejacto 5, Artillano 4, Solatorio 4, Campos 2, Ebrado 2.

BLESSIL Tungkil (39) – Capt. Camota 9, Ferraren 8, Cañete 6, Cabanilla 6, Alinabon 6, Lawas 4.

Ikaduhang duwa:

AYA CCA (66) – Bual 20, Galon 10, Posadas 10, Escuyos 8, Miñoza 8, Bantolinao 4, Jacalan 4, Cainglet 2.

LBG Lagtang (52) – Chef Abatayo 13, Gerali 9, Taran 6, Delima 5, Canedo 4, Lastimosa 4, Serra 4, Cabanero 3, Mabunay 2, Javierto 2.