Michael Angelo Coffee & Tea miiskor ikatulo nilang daog
CEBU, Philippines — Nakarekober ang Michael Angelo Coffee & Tea gikan sa ilang kapildihan dihang ilang gipahimungtan ang Nal's, 60-56 sa LABA Summer League 2018 niadtong Biyernes didto sa Co Tiao King gym sa Tabok, Mandaue City.
Ang Michael Angelo Coffee & Tea ni team owner Jeaneth Go Chu, kasamtangan karon nagbitbit og 3-1 nga baraha.
Nangu sa kadaogan mao silang Francis Palero ug Pedro Villarosa nga parehong mibatil og 13 puntos.
Nilabaw unta ang Nal's, 36-35 sa hinapos nga bahin sa third period, apan gipapas sab dayon kini sa Michael Angelo Coffee & Tea pinaagi sa paglusad og 7-0 run alang sa ilang 42-36 nga labaw human sa tulo ka kuwarter.
Ang team managers sa Michael Angelo Coffee & Tea nga silang Eboy Quiñahan, William Oljol ug Roy Ermac nahulga dihang napahakan ang ilang labaw, 55-54 sa katapusang 43 minutos sa duwa, apan ulahi na ang tanang mga paningkamot sa Nal's.
Ang Nal's nga napukan sa unang higayon sa tulo ka duwa, gipangulohan ni Andy Miñoza nga mikamada og 15 puntos, gisundan ni Rechel Bamba nga mitampo'g 12 puntos.
Sa laing pang mga aksiyon, ang Suico/Sajot team midaog batok sa Lesin/Martinito sa iskor nga 81-75, samtang midaog sab ang Butch Surveying batok sa AC Troopers, 70-63 ubos sa pagpangu ni Ramie Suson nga mikolekta og 14 puntos.
Sila si Geryl Bukiron ug Dondon Alcuizar mitimbre'g 10 puntos matag usa sa team ni Engr. Butch Migriño.
Ang AC Troopers gipangulohan ni Rex Gonzaga, gisundan ni Wendel Oquias nga mipugnit og 11 puntos ug Nante Rayla nga miambit og 10 puntos.
Ang liga ubos sa superbisyon ni LABA president S/Insp. Dondon Coloscos sa abag nilang Lloyd Chavez, Willy Medillo, Nante Rayla ug Rudy Candelada.
PUNTOS MATAG USA
Unang duwa:
Suico/Sajot (81) – Sajot 15, Estremos 12, R. Gonzaga 8, Aligway 8, Mauro 7, Cabatingan 7, Alilin 6, Sicad 6, Tangarorang 4, Abadiano 2, R. Suico 2, D. Suico 2, Bartin 2.
Lesin/Martinito (75) – R. Gonzaga 24, Recto 16, Borces 8, Lesin 7, Llanos 6, Ocier 5, Jugalbot 5, Monsanto 4.
Ikaduhang duwa:
Butch Surveying (70) – Suson 14, Bukiron 10, Alcuizar 10, Carbonillas 8, Cabucos 4, T. Alcover 4, E. Alcover 3, Paciencia 2, Federez 2, Herbieto 2, Tantuan 2.
AC Troopers (63) – Gonzaga 12, Oquias 11, Rayla 10, Chavez 9, Cabrera 5, Englis 5, Saldua 3, Limosnero 2, Coloscos 2, Tayag 2.
Ikatulong duwa:
Michael Angelo (60) – Palero 13, Villarosa 13, Cena 6, Oljol 6, Migallen 4, Madrid 4, Ornopia 4, Marturillas 4, Bucabal 3, Ermac 3, Alburo 2.
Nal's (56) – Miñoza 15, Bamba 12, Tablason 7, Villalon 6, Yu 6, Apas 4, Cane 2, Abing 2.
- Latest
