Tabura sud sa quarterfinals sa 23rd JRG Gullas Tennis Cup
CEBU, Philippines — Ang Cebuano tennis prospect nga si Aaron Tabura mipilde ni Eric Binas, 4-0, 4-1 aron moabante sa quarterfinals sa unisex-10 division sa 23rd JRG Gullas Cup tennis tournament kagahapon didto sa Alta Vista Golf and Country Club sa Barangay Pardo, dakbayan sa Sugbo.
Sunod sangkaon ni Tabura mao si Aaron Galo alang sa luna sa semifinals. Si Galo misulod sab sa quarterfinals human niya pildiha si Joshua Solomon, 4-0, 4-2.
Laing nakasud sa quarterfinals mao sila si Francis Nigel De Juan ug Chauncy Aguanta.
Kompleto na usab ang quarterfinal cast sa girls 12 division dihang milusot sa elimination round sila si Hela Riza Coderos, Shenna Yu, Faith Banico, Areetha Rodriguez, Thalia Suson, Floresque Hingoyon, Hannah Tacocong ug Shara Paliwag.
Didto sa CitiGreen Tennis Resort, ang Cebuano nga si Vinz Lominoque miabante sa second round, samtang sila si Venz Alforque ug John Kenneth Tenepre moduwa sa third round sa boys 16 class.
- Latest
