Monterroyo midaog na gyud, gipilde ang krizia sa Celba Summer League 2018
CEBU, Philippines — Midaog na gyud ang team Monterroyo, samtang napakgang ang sunod-sunod nga daog sa Krizia sa ilang duwa sa 3rd Season Cebu Legends Basketball Association (CELBA) Summer League 2018.
Ang Monterroyo ni Dr. Raul Monterroyo mipilde sa Krizia ni Arthur Lelis, 76-71 niadtong Sabado didto sa Canduman Housing gym, dakbayan sa Mandaue.
Ang Monterroyo aduna na’y 1-2 win-loss record, samtang ang Krizia nagbitbit og 2-1 nga baraha.
Sila si Ramil Estremos ug Alexam Amaga parehong mikabkab og 20 puntos aron pangulohan ang balanseng ataki sa Monterroyo nga nakalingkawas sa higpit kaayo nga duwa.
Ang sentro nga si Michael Tañan ug si Johnny Landiza pareho sab nga miiskor og 10 puntos sa maong daog.
Sila lang si Joemar Abelong ug Rowen Padayogdog ang naka-double figures sa Krizia sa ilang 13 ug 10 puntos.
Sikit kaayo ang duwa gikan sa third period diin ang Monterroyo labaw lang og kuwatro puntos, 57-53 human sa maong kuwarter. Nakalabaw pa gani ang Krizia, 59-57 sa nahibiling otso minutos sa fourth period.
Sikit na kaayo ang duwa ug diha na maklaro ang daog sa Monterroyo human sila miabante pag-usab, 75-71 sa nahibiling 29 segundos.
Sa pasiunang duwa, nakatilaw na sab og daog ang Villaflor dihang ilang nabihag ang AC Troopers sud sa overtime, 73-71.
Gipangulohan na sab ni Timmy Cabrera ang Villaflores nga mibahog og 20 puntos, samtang duha niya ka teammates ang naka-double figures sa team ni Jerome Villaflores.
Si Harvey Magale mao sab ang nangu sa AC Troopers sa iyang 21 puntos, gisundan nilang Freddie Cabiluna ug Boy Saldua nga nagkumboya’g 21 puntos.
Ubos sa bendisyon ni ballclub president P/Insp. Dondon Coloscos, ang mga duwa gipadagan nilang Ramel Baclay, Wendel Oquias ug Engr. Roel Tayag.
Puntos Matag Usa
Unang duwa:
VILLAFLORES (74) – Cabrera 20, Canas 11, Lapina 10, Canoy 8, Miñoza 6, Prieto 6, Dextrouse 4, Alcontin 4, Cabarles 3, Gemongala 2.
AC Troopers (71) – H. Magale 21, Cabiluna 11, Saldua 10, Englis 8, Acusar 8, Tayag 4, Postrano 4, Ouano 2, Aresa 2.
Ikaduhang duwa:
MONTERROYO (76) – Estremos 20, Amaga 20, Tañan 10, J. Landiza 10, Mendoza 5, Monterroyo 4, Jacalan 3, Armero 2, Sugay 2.
KRIZIA (71) – J. Abelong 13, Padayogdog 10, Navarro 9, Lelis 8, Miñoza 8, T. Herbieto 8, Sayson 6, Fegi 4, Alilin 3, Oquias 2. (BANAT NEWS)
- Latest
