Lillard: Wala’y 'sweep'
CEBU, Philippines – Mipasalig si Damian Lillard sa Portland TrailBlazers nga wala’y mahitabong ‘sweep’ batok sa New Orleans Pelicans sa ilang ‘best-of-seven’ NBA Western Conference first round playoff series.
Sayod si Lillard nga usa siya sa mga hinungdan sa 0-3 nga biya karon sa Blazers.
Ang No. 3 seed nga TrailBlazers kuyaw nga maharos sa No. 6 nga Pelicans sa Game 4 didto sa Smoothie King Center sa New Orleans, apan si Lillard misaad nga buhaton niya ang tanan aron dili ma-sweep.
Si Lillard nag-average og 26.9 points sa regular season, apan nahagsa kini sa 18.3 points sud sa tulo ka duwa sa playoffs.
Nanghinaut ang kanhi Rookie of the Year nga dili lang siya ang mopakita og kaagresibo karon, kun dili ang tanan niyang kaubanan aron malikayan ang makauuwaw nga upset nga kapildihan sa series.
- Latest
