Heat sud na’s playoffs
CEBU, Philippines — Si Goran Dragic mitali og 22 puntos ug 10 ka rebounds sa dihang ang Miami Heat mipasukarap sa Altanta Hawks, 101-98, sa NBA kagahapon didto sa American Airlines Arena sa Miami, Florida.Ang maong daog naghatag sa Heat sa ika-20 niining luna sa playoffs sa miaging 30 ka seasons.
Si Hassan Whiteside midugang og 18 puntos ug 12 ka rebounds, samtang sila si Tyler Johnson ug James Johnson nagkumboya’g 22 puntos alang sa Heat nga nagmilagro human mabiyai og nuybe puntos sa Hawks, 89-80 sa katapusang kuwarter.
Bukid hinuon maoy sunod tungason sa Heat gumikan kay lagmit ilang makaharong sa unang hugna sa playoffs mao man ang Cavaliers, Boston Celtics o Toronto Raptors nga maoy mga haring gangis sa Eastern Conference.
Si John Collins maoy nangu sa Hawks uban sa iyang 19 puntos ug 10 ka rebounds. Wala kaugpo ang Hawks bisan og lima sa mga batos niini ang naka-double figures.
- Latest
