Donaire gibalibaran ni Magdaleno alang sa usa ka “rematch”
CEBU, Philippines - Nagsakit ang dughan ni kanhi five-division world champion Nonito ‘The Filipino Flash’ Donaire Jr. human siya balibari ni Mexican-American champion Jessie Magdaleno sa usa ka ‘rematch’ alang sa WBO super bantamweight title.
Kahinumduman, si Donaire gihuboan og bakus ni Magdaleno niadtong Abril sa miaging tuig pinaagi sa unanimous decision.
Mihagit dayon og ‘rematch’ ang Fil-American boxing star nga si Donaire, apan nahugno siya dihang gipahibalo sa Top Rank Inc. nga dili makigsangka pag-usab si Magdaleno kaniya kay gusto niini nga laing boksidor ang makontra.
Si Donaire nagkanayon nga dili na kinahanglan mangita og laing kontra si Magdaleno tungod kay nagtuo siya nga labing sikat nga boksidor karon sa 122 lbs. division.
Nagtuo siya nga naglikay si Magdaleno kaniya sa kahadlok nga mabawsan.
Human sa maong kalamboan, si Donaire wala pa mibutyag sa sunod niyang lakang kun mosaka ba siya sa taas nga timbang o mangita og laing kampiyon sa super bantamweight aron iyang harungon. (BANAT NEWS)
- Latest
