Mallari gusto moduwa sa Gilas
CEBU, Philippines - Ang Mahindra Floodbuster star nga si Alex Mallari mitug-an nga dugay na niyang damgo nga moduwa sa Gilas Pilipinas.
Bisan ginganlan na ang mga PBA players nga lakip sa 25-man line-up sa Gilas, si Mallari miingon nga wala siya mawad-i og paglaum nga makaduwa sa koponan.
Ang 29-anyos nga si Mallari kalit nga misulbong karon isip usa sa mga elite scorers sa liga human siya nabalhin sa Mahindra gikan sa Star Hotshots. Si Mallari nga mi-average karon og dul-an sa 20 puntos matag duwa nagkanayon nga andam siya moduwa sa Gilas kun gikinahanglan ang iyang serbisyo. Sayod hinuon si Mallari nga lisud kini mahitabo tungod sa kadaghan sa mga players nga nag-ilog sa point guard position sa Gilas.
Kun ugaling dili siya makaduwa sa Gilas, si Mallari mitanyag og tabang sa nasudnong koponan tungod kay uyon siya nga mahimong usa ka practice player.
Sa iyang kasinatian, si Mallari daku og matampo ilabi na sa mga guwardiya nga sakop sa Gilas cadet pool. (BANAT NEWS)
- Latest
