Kenyans midominar
CEBU, Philippines - Ang mga Kenyan runners nga sila si Abraham Kilimo ug Douglas Mwiti ang top two finishers sa 12K men’s open sa Velez Golden Run kagahapon didto sa Sumilon Road sa Cebu Business Park.
Si Kilimo maoy nag-una sa oras nga 38:18, gisundan ni Mwiti nga adunay 40:46. Mikampiyon sa 12K women’s si Lizane Avilla (47:56).
Zafico, Bacusmo midaog
Sila si Paul James Zafico ug Norie Bacusmo ang migawas nga labing dakung mananaog sa ‘Chairs of Joy Run’ kagahapon didto sa Cebu Business Park.
Si Zafico miangkon sa men’s title human niya gitapos ang 10K run sud sa 36 minutos ug 20 segundos, samtang si Bacusmo maoy labing paspas sa women’s sa iyang oras nga 51:35.
Alvarez gauna
Nag-una ang veteran long-distance runner nga si Bayani Alvarez sa gipahigayung 2nd Cebu Northwest 100 mile ultramarathon nga natapos kagahapon didto sa Plaza Independencia.
Si Alvarez mitapos sa makutas nga lumba sud sa 17 ka oras, 58 minutos ug 59 segundos. (BANAT NEWS)
- Latest
