UC, Unit V kampiyon sa City Olympics
CEBU, Philippines - Nadepensaan sa University of Cebu ang ilang korona sa secondary division sa 26th Cebu City Olympics nga natapos kagahapon didto sa SM Seaside City.
Ang Webmasters mihakot og 69 ka golds, 39 silvers ug 37 bronze medals aron maghari sa secondary class gisundan sa University of San Carlos sa ilang 25-38-25 gold-silver-bronze medals, samtang ang Abellana National School (19-20-38) mipwesto sa ikatulo.
Ang UC nakakuha sa kadaghanan sa ilang mga medalya sa athletics, karatedo, dancesport, arnis, table tennis, swimming ug badminton.
Ang Webmasters mitapos sa ilang kampaniya sa athletics dala ang 12-8-9 gold-silver bronze medals. Si Samantha Limos nangulo sa ratsada sa UC human niya giangkon ang gold sa girls 100m run sa oras nga 12.47.
Ang UC badminton adunay 2-1-2 gold-silver-bronze medals, samtang ang taekwondo mihatud og 10 ka golds uban ang usa ka silver. Ang UC nagrasyahan usab og walo ka golds gilak sa arnis ug tennis.
Sa elementary level, ang Unit V ang kampiyon sa ilang 47 gold, 40 silver ug 35 bronze medals. Ikaduha ang Unit VII sa ilang 28-18-17 medals gisundan sa Univ VIII nga adunay 24-22-36. (BANAT NEWS)
- Latest
