Cebu elite basketball clinic gitakda sa Abril 4-Mayo 27

CEBU, Philippines - Himuon na sab sa dili madugay ang tinuig nga CEBU Elite basketball clinics sa nagkalain-laing dapit dinhi sa dakbayan sa Sugbo ug  sa Mandaue.

Ang CEBU Elite camp executive director nga si  Chino Uy Jr. mibutyag nga ang basketball clinics pagahimuon sa duha ka managlahing petsa diin ang first batch sugdan sa Abril 4 hangtod na sa Abril 29 ug ang second batch himuon  sa Mayo 2 hangtod sa Mayo 27.

Himuon kini gikan sa Lunes hangtod sa Biyernes diin bahinon kini sa duha ka grupo. Ang training alang sa beginners himuon gikan sa alas-8 hangtod sa alas-10  sa buntag, samtang ang advance class himuon sa alas-10 sa buntag  hangtod sa alas-12 sa udto.

Matud ni Uy nga limitado lang ang partisipante nga dawaton karong tuiga ug ang tanang mosalmot hatagan og   libreng bola ug upper jersey.

Ang  clinic adto pagahimuon sa Cebu Coliseum, J. Centre Mall ug sa Talamban gym.

Ang mga interesado nga mosalmot sa clinic didto sa Cebu Coliseum mahimong  motawag sa mga numero 233-1405, 255-8919,  0923-299-5999 ug 0997-537-0585. Samtang sa J. Center mahimong  mokontak sa 266-8888 local 312 ug  sa Talamban gym sa  0942-287-2349, 0933-369-4019 ug sa 0943-923-7685.  (BANAT PALARO)