Bakers, Rhum masters wagi

Laro sa Martes (Filoil Flying V Arena, San Juan)

2 p.m. Phoenix-FEU vs UP QRS/JAM Liner

4 p.m. AMA University vs BDO-NU

MANILA, Philippines – Dumiretso ang CafeFrance sa kanilang ikatlong sunod na panalo matapos gibain ang UP QRS/JAM Liner, 94-73, sa PBA D-League Aspirant’s Cup kahapon sa Ynares Sports Aren­a.

Sumosyo ang Bakers sa Caida Tile sa liderato sa magkatulad nilang 3-0 kar­tada.

Binuksan ng CafeFrance ang laro mula sa 11-0 abante bago ibaon ang UP sa 74-47 sa third period.

Binanderahan ni Carl Bryan Cruz ang Bakers sa kanyang 15 points, habang humakot si import Rod Ebon­do ng 14 markers at 12 rebounds.

Nagdagdag naman si­na Samboy de Leon, Paul Zamar at Mon Abundo ng 14, 11 at 10 points, ayon sa pag­kakasunod.

Pinangunahan ni Raymond Aguilar ang Maroons sa kanyang 14 points at 14 boards kasunod ang 13 markers ni Kevin Ferrer.

Samantala, inilampaso na­man ng Tanduay ang Min­danao, 95-56, para sa ka­nilang unang panalo ma­tapos ang 0-2 panimula.

Tumipa si JP Belencion ng 18 points, habang may 14 si Adrian Santos at tig-12 sina Rudy Lingganay at Lucas Tagarda para sa Rhum Masters.