Raptors mipilde sa Knicks
CEBU, Philippines - Milanat na ngadto sa 10-game winning streak ang nahimo sa Toronto Raptors human sa ilang 103-93 nga kadaugan batok sa New York Knicks sa National Basketball Association kagahapon didto sa Air Canada Center.
Ang maong nagkutay nga kadaugan maoy gihimo nga proseso ni Raptors coach Dwyane Casey sud na sa milabay’ng lima ka tuig.
Sila si DeMar DeRozan ug Kyle Lowry parehong miiskor og 26 puntos aron mangulo sa Raptors. Si Jonas Valanciunas midugang og 11 puntos ug 18 ka rebounds alang sa Raptors, kinsa mihimo sa labing taas nilang winning streak sa ilang franchise.
Silang Lowry ug DeRozan parehong moduwa sa All-Star Game atubangan sa ilang mga fans didto sa Toronto. Si Lowry kabahin sa East starters, samtang si DeRozan usa sa mga reserves.
Gibaliwala lang ni Lowry ang napiang niyang wa’ng pulso nga iyang nahiaguman niadtong Martes dihang midaog sila batok sa Washington Wizards.
Si Arron Afflalo maoy nangu sa Knicks sa iyang 20 puntos. Wala hinoon makaduwa alang sa Knicks silang Carmelo Anthony, Kristaps Porzingis ug Jose Calderon.
Ang three-pointer ni Sasha Vujacic sa katapusang 1:57 ang oras sa duwa, maoy nagpasikit sa Knicks ngadto sa otso puntos, apan gitubag sab kini ni Lowry og three-pointer aron maseguro ang kadaugan sa Raptors.
Sa laing duwa, nakaikyas ang Denver Nuggets batok sa Washington Wizards, 117-113, ang Indiana Pacers mibihag sa Atlanta Hawks, 111-92, midaog ang New Orleans Hornets batok sa Sacramento Kings, 114-105.
Gilubong sa Memphis Grizzlies ang Milwaukee Bucks, 103-83 ug gilubong sab sa Chicago Bulls ang Los Angeles Lakers, 114-91. (BANAT PALARO)
- Latest
