Bradley pupuntiryahin ang balikat ni Pacquiao

MANILA, Philippines – Handang gawin lahat ni Timothy Bradley upang manalo lamang sa bakbakan nila ni Manny Pacquiao sa Abril.

Sinabi ni Bradley na kabilng dito ang pagpuntirya sa na-injure na kanang balikat ni Pacquiao.

Natamo ni Pacquiao ang injury sa kaniyang paghahanda para sa sagupaan nila ni Floyd Mayweather Jr. nitong nakaraang taon.

Ayon sa Filipino boxing icon ay alam na ito ng kampo ni Mayweather kaya naman nang magkaharap na sila sa loob ng ring ay pinuntirya ito ng undefeated America boxer.

Pagkatapos ng kanilang laban ay ipinaopera ni Pacquiao sa Los Angeles ang balikat upang ayusin ang torn rotator cuff.

Sa kasalukuyan ay magaling na umano ang balikat ni Pacquiao, kung saan sinabi niya na 100 percent na ito, ngunit walang katiyakan na hindi ito mangyayaring ulit at alam ito ni Bradley.

 “Would you target that shoulder? What would you do? I will do whatever it takes to win.”

Muling maghaharap sa ikatlong pagkakataon sina Bradley at Pacquiao kung saan ito na ang huling laban ng Pinoy boxer.

Iginiit ni Pacquiao na ano man ang maging resulta ng kaniyang laban ay iiwanan na niya ang boxing upang tutukan ang politika kung saan tumatakbo siyang senador.