Capt. Raul Cabanero Inter-collegiate action mobalik na ugma

CEBU, Philippines – Ang aksiyon sa 1st Capt. Raul Cabanero Inter-collegiate basketball tournament mobalik ugma didto sa Bulacao Sports Complex, dakbayan sa Talisay. Naputol ang duwa sa Inter-collegiate tungod sa mga kalihukan sa kapistahan sa Balaang Bata nga si Sr. Sto. Niño.

Hinuon, ang mga duwa sa Inter-sitio nagpadayon.

Sa duwa sa Inter-collegiate ugma, ang University of Cebu (UC) Webmasters mosuway og bangon gikan sa ilang kapildihan sa panagsangka nila batok sa University of San Jose-Recoletos (USJ-R)  Jaguars sa alas-8 sa gabii.

Ang Webmasters napilde ngadto sa University of  Southern Philippines Foundation (USPF) Panthers, 86-76 atol sa opening niadtong Domingo.

Ubos sa tema: Building Unity and Peace Through Teamwork and the Spirit of Sportsmanship, ang liga namugna pinaagi sa paningkamot ni Bulacao Brgy. Capt.  ug  Talisay City ABC President Raul Cabanero inabagan ni   league commissioner   ug councilor Banjo Abastillas, deputy nga si councilor Darwin Cabanero  ug  sports  committee nga si  councilor Agnes Lastimosa.

Ang liga gidumala  sa Cebu Basketball Referee Association (CEBRA) sa pagpangulo ni CESAFI head referee Edwin Dejacto Sr. (BANAT NEWS)