Labing unang TRI Liloan MOSIKAD NA ugmang ADLAWA
CEBU, Philippines – Si Paul Jumamil sa Alaska Tri Aspire maoy nangu sa listahan sa lig-ong mga entrante sa labing unang TRI Liloan karong Domingo.
Sunod-sunod nga kampiyon sa San Remigio 8080 ug 5i50 Triathlon didto sa Bohol, si Jumamil mopakita’g aksiyon sa 24-under category batok sa unom pa ka mga contenders.
Gawas nga dominahon ang iyang age-group, si Jumamil naglaraw sab nga molangkat sa unang puwesto sa overall standings.
Gipaabot hinuon siya nga mag-atubang og malisud nga hagit batok nilang Emmanuel Comendador, Jory Ycong, Welmar Saavedra sa Omega Pro, Ralph Arche sa Parklane ug Joseph Miller sa Ford Forza.
Sa women’s division, angayang tan-awon mao si Cianyl Jamae Gonzalez sa Parklane Tri Team. Ang bugtong partisipante sa female 29-under, misamot kalig-on ang iyang kampanya sa kampiyonato gumikan kay si Louie Villacin adto man moapil sa relay event.
Gawas sa grupo nilang Villacin, lain pang mobanat sa relay mao ang duha ka teams sa JPD Coaching nga gipangulohan nilang Philip Duenas ug Mary Joy Tabal, ang Tri Team ni Jaybop Pagnanawon, ang Tri Liloan-3 ni Keith Ashley Ocampo ug Three of ME ni Noel Tillor ug Infinitea Tri Team-1 ni Joland Olmilla.
- Latest
- Trending
