CESAFI beach volley semis kumbatihan karon
CEBU, Philippines - Ang Southwestern University (SWU) nga maoy defending champion sa men’s ug women’s division, makigharong batok sa managlahing kontra sa crossover semifinals sa Cebu Schools Athletic Federation, Inc. beach volley event karong adlawa diha sa SWU sand courts gawas sa Aznar Coliseum.
Sa women’s bracket, ang SWU makigbatok sa University of Southern Philippines Foundation (USPF), samtang ang mga lalaki nilang kauban makighamag batok sa University of the Visayas (UV).
Sama sa SWU, duha sab ka duwa ang nagpaabot sa University of San Jose-Recoletos (USJ-R) batok sa University of Cebu (UC) sa laing women’s semis ug batok sa USPF sa men’s category.
Sa high school semifinals , ang USJ-R moharong sa USPF sa girls class ug sa University of San Carlos (USC) sa boys division.
Sa laing mga duwa sa Final Four, ang SWU belles makigtige batok sa USC, samtang ang USPF spikers makighamag sa Don Bosco Technology Center (DBTC).
Ang mga mananaog maoy magsangka sa kampiyonato sa tagsa-tagsa nila ka kategoriya ugmang adlawa.
- Latest
