DTCC misidlak SA BacolOd dancesports
CEBU, Philippines - Misidlak na sab ang Dancesports Team Cebu City (DTCC) sa ilang pagsalmot sa 2015 City of Smiles Dancesports Competition didto sa Bacolod City.
Si Team Cebu City directress Eleanor Hayco wa’y paglubad dihang gidominar niya ang latin ug modern standard events. Si Hayco nakigpares ni Lloyd Bartolini alang sa standard, samtang gikauban niya si Jimmy Noel sa latin.
Sila si Jeffrey Ruben Benarao ug Therese Andre Quilaton midaog sa amateur rising star division, samtang sila si John Paul Mocorro ug Mary Joy Dumosdong misakmit sa silver sa youth open standard, samtang sila si Inoe ug Eijen Rended milabni sa bronze sa pre-amateur latin.
Si Romeo Cialbo ug Luzviminda Pointers maoy silver medalist uban nila ni Ronald Ruiz ug Jocelyn Versteeg sa teacher-student 2 ug teacher-student 4 dance.
Si Wilbert Aunzo ug Jefferson Pimental nanghawod sa third kind open five-dance latin ug si Mocorro ug Kevin Minoza maoy silver medalist, samtang sila si Estillore ug Samson Orlanos maoy misakiyo sa bronze.
- Latest
