Biboy, Liza mainit ang simula sa BWC
LAS VEGAS, Nevada – Pumuwesto sina dating World FIQ champion Biboy Rivera at Liza del Rosario sa No. 6 at 12, ayon sa pagkakasunod, sa pagsisimula ng 51st Qubica AMF Bowling World Cup international finals sa Sam’s Town, Las Vegas dito.
Nagpagulong si Rivera ng isang eight-game series na 1764 pins para palakasin ang tsansang umabante sa second round ng men’s competition.
Pinatibay din ni Del Rosario, ikinukunsidera bilang isa sa Asia’s top lady pintopplers, ang kanyang pag-asa sa susunod na yugto ng torneo.
Binanderahan ng 20-anyos na si Singapore’s Muhammad Jarish Goh ang pagbubukas ng torneo sa kanyang 1855 para sa average na 231.88.
Nasa ikalawang puwesto naman si Francois Louw ng South Africa na nagpagulong ng 1846.
Tumapos si Louw sa No. 9 noong 2010 sa Toulon, France.
Pumangatlo si Ildemaro Ruiz Jr. ng Venezuela sa kanyang 1798.
Inangkin naman ni two-time champion Aumi Guerra ng Dominican Republic ang women’s lead nang magposte ng 1738 kasunod ang 1737 ni defending champion Clara Guerrero ng Colombia at si Geraldine Ng Su Yi (1714) ng Singapore.
- Latest
