Mananaug sa OCSSO

CEBU, Philippines – Ang New Ormoc City National High School maoy nahimong kampiyon sa bag-o lang natapos nga 1st Ormoc City School Sports Organization (OCSSO ) Inter-School Tennis Tournament dihang ilang gipukan ang Valencia National High School sa iskor, 4-1 sa tennis competition. Ang OCSSO maoy counterpart sa Ormoc sa CESAFI ug ingon man sa UAAP ug NCAA sa Manila.

Ang laing nga events nga gihimo sa OCSSO mao ang soccer, volleyball, chess ug basketball.

Gisalmotan kini sa mga tinun-an sa elementarya ug high school.  Ang mga secondary teams nga misalmot mao ang New Ormoc City National High School, St. Peter's College of Ormoc , Valencia National High School ug ang Genaro National High School.

Ang misalmot nga elementary teams mao ang  Punta Elementary School , Valencia Elementary School, Linao Elementary School , Cogon Central School , Ormoc  Public School , Salvacion Elementary School  ug Jica Lao Elementary School . May upat lang ka teams sa secondary ug pito ka teams sa elementary.

Ang tournament format mao ang team tournament alang sa secondary level  ug individual singles ug double alang sa boys ug girls sa elementary level.

Ang third placer sa maong torneyo mao ang St. Peter's College of Ormoc kinsa midaog batok sa Genaro National High School sa iskor,  3 - 2.

Sa individual category, (Elementary Boys Singles) ang PHILTA ranked no.37 nga si Nicholas Allain Ocat  sa Punta Elementary School  maoy misakmit sa titulo human iyang gipilde si Kobe James Suarez  sa Salvacion Elementary School sa iskor, 8- 3.

Sa Elementary Girls Singles, ang champion mao ang top sa Leyte nga si Corazon Lambonao gikan sa Ormoc Central School kinsa mipukan kang archrival Mia Gemida gikan sa  Ormoc Central School sa iskor,  8-5.

Sa Secondary boys singles, maoy kampiyon ang unseeded nga si Niño Labrador sa NOCHNS kinsa midaog batok sa topseed nga si Joseph Eron Garces sa NOCHNS sa iskor, 8-4.

Sa Secondary Girls singles, ang kampiyon mao ang EVRAA player sa Ormoc nga si Metchie  batok sa iyang teammate sa NOCHNS  ug topseed nga si Marjorie Gayon sa iskor,  8-4.  Ang OCSSO events gipaluyohan ni Ormoc City Mayor Edward C. Codilla, city councilor Ruben C. Capahi, vice-chairman on City Sports and Tournament Committe Ormoc Midtown Tennis Club President  Mat Matula  ug  tournament director Richie Bacalso.  - Gabby G. Malagar (BANAT NEWS)