Cignal kinuha ang unang finals berth
MANILA, Philippines – Tuluyan nang inangkin ng Cignal HD TV ang unang finals seat nang talunin ang PLDT Home Ultera, 25-22, 21-25, 25-23, 11-25, 15-8, sa Spikers’ Turf Season 1-Reinforced Conference sa The Arena sa San Juan City.
Sinapawan ni Lorenzo Capate, Jr. si Mark Gil Alfafara sa labanan ng dalawang pinakamalalakas na spikers sa liga nang bumandera sa fifth at final set para ihatid ang HD Spikers sa best-of-three championship round.
Tumayong No. 2 team ang Cignal sa semis sa kanilang 4-1 record at isang panalo lamang ang kailangan para sibakin ang third-seeded na PLDT (3-2) patungo sa finals.
Lalabanan ng HD Spikers ang mananalo sa pagitan ng No. 1 Air Force at No. 4 Navy.
Tumapos si Capate na may 26 hits.
Nagtala sina Herschel Ramos, Edmar Bonono at Alexis Faytaren ng 12, 11 at 10 hits, ayon sa pagkakasunod.
Umiskor si Alfafara ng 28 hits kasunod ang 17 ni Ron Jay Galang, 12 ni Henry James Peca-A at 11 ni dating UAAP MVP Peter Torres para sa PLDT.
- Latest
