Team Cebu city naghari sa PNG swimming event
CEBU, Philippines - Ang Team Cebu City (TCC) maoy nidominar sa swimming event sa Philippine National Games-Visayas leg human mikolekta og 27 ka gold, 14 ka silver ug 11 ka bronze medals kagahapon didto sa Antique.
Si Michael Ichiro Kong mihimo og triple gold sa katapusang adlaw pinaagi sa 200m individual medley, 100m butterfly ug 50m freestyle events.
Ang teammates ni Ichiro mitunol sab og mga gold medals sama nila ni Fritz Tamara sa 50m backstroke, Trina Caneda sa 800m freestyle, Shane Allyne Pareja sa 100m breaststroke ug Romylin Nina Ignacio sa 200m individual medley.
Gawas sa gold, si Caneda mihakot sab og silver medal uban nila ni Beth May Arellano, Rafel John Dacaldal ug Nil Enrico Micarsos.
Unom pa ka mga batos ni Rolando Alvarez nga sila si Arellano, Ignacio, Dacaldacal, Kirsty Carmel Pardo, Jaymark Buslon ug Elvie Salvo mitampo sab og bronze medals. (BANAT PALARO)
- Latest
