Cignal kinuha ang ikalawang semis berth

Laro sa Martes (Cuneta Astrodome, Pasay City

4 p.m. – Foton vs Meralco

6 p.m. -- RC Cola-Air Force vs Philips Gold

MANILA, Philippines – Tuluyan nang inangkin ng Cignal ang ikalawang tiket sa semifinal round, habang isang panalo pa ang kailangan ng Philips Gold.

Tinalo ng HD Spikers ang RC Cola-Air Force Rai­ders, 25-19, 20-25, 25-10, 25-19, sa 2015 Philippine Superliga (PSL) women’s volleyball tournament kahapon sa Malolos Sports and Convention Center.

Sina American imports Ariel Usher at Amanda Anderson ang bumande­ra para masikwat ng Cignal ang 6-2 record at makasama ang Petron sa semifi­nals.

Nagtala si Usher ng University of Portland ng 22 points sa likod ng kanyangd 20 kills, habang may 15 mar­kers si Anderson mula sa kanyang 10 para sa HD Spi­kers.

“Making it to the semifinals has been our goal,” sa­bi ni Cignal coach Sammy Acaylar.

Para naman makapasok sa semis ay kailangan ng Raiders na maipanalo ang kanilang huling tatlong laro.

Sa unang laro, sinibak ng Lady Slam­mers ang Me­ralco Power Spi­kers, 25-12, 26-24, 25-19, para ma­­kalapit sa semis seat.

Kumonekta si American reinforcement Alexis Olgard ng 16 points mula sa kanyang 10 kills at 5 blocks, habang nagdagdag si Myla Pablo ng 13 markers para sa 5-2 record ng Philips Gold ilalim ng Petron (6-2) at Cignal (6-2) kasunod ang Foton (4-3), RC Cola-Air Force (1-6) at Meralco (0-7).

Nagdagdag si import Bojana Todoro­vic ng 9 points.