Warriors kumpleto pa rin para sa asam na back-2-back NBA crown
MANILA, Philippines – Nagbabalik si Kevin Durant para sa Oklahoma City Thunder, habang muling umuwi si LaMarcus Aldridge sa Texas at kumpleto naman ang nagdedepensang Golden State Warriors sa pangunguna ni NBA MVP Stephen Curry.
Ang lahat ng koponan sa Western Conference ay may tsansang makamit ang kampeonato.
Sa East, ang Cleveland Cavaliers ang inaasahang mangunguna sa likod ni NBA MVP LeBron James.
“Yes, we were able to get to where we wanted to get to, but we didn't close the deal” sabi ni James. “So we look forward to the opportunity once again to be able to go out there and continue to try to play at a high level.”
Bubuksan ng Cavs ang NBA season sa pagsagupa ngayon sa Bulls sa Chicago kung saan nagkaroon ng problema si James sa kanyang likod sa preseason, habang nagbabalik naman si Kevin Love mula sa shoulder surgery at bumabangon pa lamang si Kyrie Irving sa kanyang knee surgery.
Kumpleto ng piyesa ang Cavaliers na naglabas ng malaking pera para mabuo ang sinasabing 'most expensive teams' sa NBA history.
Sa panig naman ng Warriors, nagtala ng 67 panalo sa unang season ni coach Steve Kerr, kumpleto pa rin ang kanilang line up.
Hindi makikita sa bench si Kerr sa season opener ng Warriors dahil sa kanyang back surgery.
“What's great about us, we're all so competitive, that I don't think complacency will be an issue,” sabi ni All-Star Klay Thompson. “But we love having the bullet on our back.”
Ang karamihan sa naghahabol sa kanila ay nagpalakas ngayong season.
Kagaya ng Thunder na magpaparada kay Durant matapos ang broken foot nito at si Aldridge na umalis sa Portland Trail Blazers para lumipat sa San Antonio Spurs katuwang sina Tim Duncan at Kawhi Leonard at ang mga hugot na sina Ty Lawson at Paul Pierce.
Muling magiging palaban ang Memphis Grizzlies, samantalang muling sasandig ang New Orleans Pelicans kay Anthony Davis.
- Latest
