De Ocampo nakahiagum og seryosong injury
CEBU, Philippines – Nabalaka karon ang mga tibuok koponan sa Talk 'N Text Tropang Texters human sa wa damha nga pagkaangol sa ilang sinaligang forward nga si Ranidel De Ocampo kinsa naglisud og lihok human mangalsa og bug-at sa ilang gym.
Si De Ocampo nag-alsa og mga barbell isip kabahin sa ilang conditioning, apan kalit lang misakit ang likod niini ug naglisud na paglihok.
Daling gidala si De Ocampo sa tambalanan sakay ang ambulansiya diin kini gi-stretcher tungod kay naglisud kini pagbarug ug lihok.
Si Texters assistant coach Josh Reyes miingon nga ipailawom sa MRI si De Ocampo aron masuta kun unsa ka seryoso ang injury niini.
"Prayers for our brother, Ranidel. On the way to the hospital now to have an MRI on his back after tweaking it and losing mobility. Let's all pray for a good prognosis," matud pa ni Reyes sa iyang Instragram account. (BANAT NEWS)
- Latest
