Anak og vendor naka-gold sa 7th Milo Little Olympics
CEBU, Philippines – Anak sa usa ka market vendor didto sa Jaro, Iloilo nga si Morito Perez ang mihimo’g kasikas dihang iyang gihatagan og labing unang bulawang medalya ang Team Visayas sa 7th Milo Little Olympics National Finals kagahapon didto sa Laguna Sports Complex sa Sta. Cruz, Laguna.
Halandumon sab kaayo alang kaniya ang maong kadaugan gumikan kay mao pa usab kini ang una niyang pagsalmot sa Milo Little Olympics bisan aduna siya’y gihambin nga hamstring injury.
Bisan pa’g aduna siya’y gidala-dala nga sakit, si Perez nakigbisog gihapon uban sa daku niyang paglaum ug damgo aron mag-una sa secondary boys 800-meter race sa oras nga dos minutos ug singko segundos. Na-una lang siya og two-tenths second ni Keann Melendez sa North Central Luzon. Si Christopher Ecija sa National Capital Region-South Luzon nalandig sa ikatulo sa oras nga 2:05.9.
Si Perez, kinsa dos anyos pa lang dihang nagbuwag ang iyang ginikanan, naglaum nga ang iyang kadaugan maoy moabli sa ganghaan ug makahatag og maayong oportunidad aron makahuman siya sa pagtungha ug hamugaway nga pagpuyo. (BANAT NEWS)
- Latest
