Kentkyle, CEI nagsawo sa liderato

CEBU, Philippines - Parehong mikulit og managlahing kadaugan ang Kentkyle Cuisine ug CEI Brokers aron magsawo sa liderato, 2-0 sa  BOC Friendship Cup Christmas League didto sa barangay Tinago gym, ning dakbayan.

Ang Kentkyle Cuisine ni team owner Kenneth Maningo ug team captain Boodie Monteno midemolis sa Chamber of Customs Brokers, Inc. (CCBI), 132-54.

Ang  Kentkyle, kansang  walo ka players  mibahog og double figures, gipangulohan ni Ronald Dungog sa iyang 17 puntos.

 Sa laing bahin,   ang  CEI Brokers  midaog batok sa Alburo Customs Brokerage sa iskor nga 77-67.

Silang Christian Solitario, Kerker dela Cerna, Bennick Sealana ug ang Bantulay brothers maoy nagbaswat sa CEI sa magtiayong Wiljun ug Joy Camay.

Si BOC ballclub president Ryan Barral miingon nga adunay player   sa Alburo Customs Brokerage ang ipaubos sa protesta tungod kay wala kini malista sa orihinal nga line-up sa koponan.

Puntos matag usa

Kentkyle (132) –    Dungog 17, Villa 14, Taborada 13, Generalao 13, Quilantang 12, Arevalo 12, Oporto 10, Manlosa 10, Inopequez 9, Allerite 8, Aniñon 8, Tan 6.

      CCBI (54) –  Lucencio 10, Solis 6, Labrador 6, Alawi 6, Baclohan 5, Dela Pieza 4, Embrado 4, Abay-abay 4, Avenido 3, Aurita 2. (BANAT NEWS)