Green, white gisubhan og daog sa Rama-Labella Cup Cagefest
CEBU, Philippines - Nagmalampuson ang pagbukas sa Rama-Labella Cup 2015 basketball tournament niadtong Domingo didto sa Quiot gym, siyudad sa Sugbo.
Sa opening game, ang Green team mipukan sa Red, 71-65 ubos sa 40-above division.
Gipangulohan ni Alfred Abeleda ang Green team nga miposa og 17 puntos, gisundan nilang Rick Allera ug Tomaquin nga adunay 16 puntos matag usa.
Si Samboy Lawas mao sab ang nangu sa Red nga mipabuhagay og 32 puntos, samtang si Raul Solatario miamot og 17 puntos.
Sa laing duwa, ang White mimakmak sa Orange, 83-76 sa 30-39 division.
Lima ka players ang miiskor og double figures alang sa White pinangulohan ni Baruc Lasque nga mikabkab og 25 puntos, si Raymund Yncierto mitampo’g 13 puntos. Sila si Villarta ug Sadorra mitimang og 12 puntos matag usa, samtang si Loloy Villarin mitikdol og 10 puntos.
Mipupo’g 19 puntos matag usa sila si Junjun Gellaga ug Tidoy aron pangulohan ang Orange.
Ang torneyo nga gipadagan sa Quiot Basketball Club (QBC) ubos sa liderato sa ilang presidente nga si Wilfredo Calvo, gisuportahan sa Quiot Barangay Council pinangulohan ni Brgy. Capt. Francis Esparis ug councilor Herbert ‘Nognog’ Conde, kinsa mao sab ang committee on sports.
Lain pang mga opisyales sa QBC mao sila si Bernie Baclayo (vice president), Nonie Sabandeja (secretary), Dariel Manliquez (treasurer) ug Edwin Abellanosa (auditor).
Puntos matag usa
Unang duwa:
GREEN (71) – Abeleda 17, Allera 16, Tomaquin 16, Pizon 4, Jacaba 4, Rubio 4, Abellanosa 3, Sumpreque 3.
RED (65) – Lawas 32, Solatario 17, Ritz 7, Abanes 4, Camus 3, Juarez 2.
Ikaduhang duwa:
WHITE (83) – Lasque 25, Yncierto 13, Villarta 12, Sadorra 12, Villarin 10, Kingsly 4, Cañete 4, Martillan 2.
ORANGE (76) – Tidoy 19, Gellaga 19, Jetro 9, Villarin 8, Marley 7, Delima 6, Estrera 4, Timtim 4. (BANAT NEWS)
- Latest
