Khan umaasa pa ring maikakasa kay Pacquiao
MANILA, Philippines – Kamakailan ay pinabulaanan ni Bob Arum ng Top Rank Promotions ang mga akusasyon ni Amir Khan na ibinibitin nila ang British star para sa laban kay Manny Pacquiao sa susunod na taon.
Sinabi ni Arum na hindi alam ni Khan ang nangyayaring negosasyon para sa pinaplantsang banggaan nila ni Pacquiao.
Ayon kay Khan, pagod na siyang maghintay sa malalaking laban kagaya nang nangyari sa nabigong pakikipagharap niya kay Floyd Mayweather Jr.
“It’s a good fight for me and I know it’s a big fight. Fight fans want the fight. But it seems to me that (I’m) waiting around and I don’t want to be in the same position as I was against Floyd Mayweather,” sabi ni Khan sa panayam ng Boxing News.
Napaulat noong nakaraang linggo ang pagbitaw ni Khan, dating lightweight at junior welterweight titlist, sa negosasyon sa kampo ni Pacquiao.
Kung hindi ito matuloy ay may opsyon nang tinitingnan si Khan.
“I’d been promised the fight, then it didn’t happen,” ani Khan.
Plano ni Pacquiao na muling lumaban sa susunod na taon bago ang May elections kung saan target niyang makapitas ng isang posisyon sa Senate.
Bukod kay Khan, ang iba pang maaaring labanan ni 'Pacman' ay sina Kell Brook, Timothy Bradley, Terrence Crawford at Juan Manuel Marquez.
Ang opsyon naman ni Khan ay ang mga tumalo sa kanyang sina Danny Garcia at Lamont Peterson.
- Latest
