RC Cola Raiders pakay ang win No. 2

Laro Ngayon (The Arena, San Juan City)

4:15 p.m. – RC Cola-Air Force vs Petron

6:15 p.m. – Philips Gold vs Meralco

MANILA, Philippines – Masusukatan ngayon ang RC Cola-Air Force Raiders sa pagharap nila sa Petron Lady Blaze Spi­kers, habang ang dugtu­ngan ang nakuhang unang pa­na­lo ang nais ng Philips Gold Lady Slammers sa Me­ralco Power Spikers sa 2015 Philippine SuperLiga (PSL) Grand Prix women’s volleyball ngayon sa The Are­na sa San Juan City

Galing ang nagbabalik na Raiders sa 25-20, 17-25, 20-25, 25-21, 15-13 panalo la­ban sa Power Spi­kers pa­ra maging ikala­wang ko­ponan na lamang na hindi pa natatalo sa liga.

Ang kanilang mga imports na sina Lynda Mora­les at Sara Christine McClinton ay may 26 at 20 puntos at nagsanib sa 35 kills at 10 blocks sa unang pa­nalo.

Pero para gumanda ang tsansang mangibabaw pa sa Petron sa laro sa alas-4:15 ng hapon.

Hindi puwedeng biruin ng RC Cola ang nagdedepensang kampeon na gustong wakasan ang mga la­ro sa first round.

Matapos ang apat na laban ay may 2-2 karta la­mang ang tropa.