Dayon Enterprises nag-una na’s standingnsa Viva Forty caging

CEBU, Philippines – Ang Dayon Ent. & Printing Press wa’y puangod nga milubong sa Gallardo/Navaja team, 75-59 aron   mag-una sa liderato sa Viva Forty  Christmas League 2015 basketball tournament niadtong Sabado didto sa Guadalupe Sports Complex.

Mipabuto og 15 puntos si Michael Granada aron maoy mangu sa Dayon Enterprise & Printing Press nga nagbitbit na karon og 3-1 nga baraha.

Ang El Presidente nga si Allan Abella mitampo’g 13 puntos alang sa Dayon Enterprises & Printing Press nga nagdanga-danga na ngadto sa kadaugan human nila namintinar ang double digits nga labaw sa fourth quarter.

Si Sam Llevado mao lang ang nakaiskor og double figures alang sa Gallardo/Navaja pinaagi sa iyang 15 puntos.

Sa laing duwa, ang Team Gayoso milubong sab sa Aulga Hardware, 65-40  alang sa ilang ikaduhang daog.

Gipangulohan ni Cesar Pandong ang Team Gayoso sa iyang 13 puntos, gisundan ni Bernard Jacaban nga mikabkab og 11 puntos. Si Joel Gayoso mitampo’g 10 puntos alang sa Team Gayoso nga miputol sa nagkadinang tulo ka daog sa Aulga Hardware.

Sila si Tony Esgana ug Ruben Villarba mihakot og 14 ug 10 puntos aron pangulohan ang Aulga Hardware.

Sa main game, ang Blue Coast Laundry mikulit sa ikaduha nilang daog human midaog batok sa Team Capt. Gacasan, 59-52 ubos sa pagpangulo ni Tony Sasing, kinsa mihumol og 13 puntos.

Si Serge Cortez mipakita og maayong labok diin miiskor siya og 15 puntos aron pangulohan ang Team Capt. Gacasan, samtang si Dante Antonio miamot og 10 puntos.

Ang Dayon Ent. & Printing Press  ug ang Aulga Hardware kasamtangang nagsawo sa liderato sa managsama nilang 3-1 win-loss records, samtang ang Team Gayoso, Blue Coast Laundry, Gallardo/Navaja ug Team Capt. Gacasan pareho sab nga nagbitbit og 2-2 nga baraha.

Ang torneyo nga duwaon matag adlaw’ng Sabado  gidumala ni El Presidente  Allan Abella. Gisuportahan sab siya sa tanang mga miyembro sa Viva Forty ballclub.

Puntos Matag Usa

Unang duwa:

Dayon Ent. (75) – Granada 15, Abella 13,  Elizalde 9,  Torrepalma  8, Verano 7, Calonia 5, Ybarita 4, Tejano 4, Limana 4, Bihag 4, Desamparado 2.

Gallardo/Navaja (59) – Llevado 15, Paez 6, Escuyos 6, Cabarrubias 6, Labra 6, Monteron 5, Gallardo 4, Navaja 4, Billota 3, Navaja 2, Hinagay 2.

Ikaduhang duwa:

Team Gayoso (65) – Pandong 13, Jacaban 11, Gayoso 10, Navaja 8, Rama  7, Balleriano 4, Rivera 3, Aliño 3, Alcantara 2, Cane 2, Gayoso 2, Arquillo 2.

Aulga Hardware (40) – Esgana 14, Villarba 10, Ventic 6, Cabanilla 3, Adolfo 2, Veloso 2, Reunido 2, Navaja 1.

Ikatulong duwa:

Blue Coast Laundry (59) – Sasing 13, Mabatid 8, Labandero 8, Aniñon 7, Lopez 6, Racho 6, Gabutan 4, Cabusas 4, Iligan 3.

Team Capt. Gacasan (52) – Cortez 15, Antonio 10, Postrero 6, Gentica 4, Mante 4, Rivera 3, Tejam 3, Gacasan 3, Jacalan 2, Bagondol 2. (BANAT NEWS)