Clarkson interesado moduwa sa Gilas
CEBU, Philippines – Mipadayag og interes si Los Angeles Lakers player Jordan Clarkson nga mouban sa Gilas Pilipinas nga moduwa sa Olympic Qualifying tournament nga katapusang kahigayunan sa national team nga makakuha og luna sa Olympics.
Gamit iyang twitter account si Clarkson mipasumbingay sa daku niyang gusto nga mutabang sa Gilas Pilipinas. "Tough fight in 2016, Jordan Clarkson and Gilas, all in, road to redemption," matud pa sa Lakers star.
Ang Olympic qualifiers mahitabo sa Hulyo 5 nga mao pa usab ang paghuman sa NBA season rasun nga daku og posibilidad nga makaduwa niini si Clarkson.
Atol sa maong torneyo, 18 ka mga koponan nga wala milampos sa tagsa-tagsa nila ka mga zone tournaments ang magpaabot aron ilogan ang tulo ka luna alang sa 2016 Rio Olympics.
Ang Gilas uban sa Iran ug Japan maoy morepresentar sa Asya diin sangkaon nila ang 15 pa ka mga koponan gikan sa Africa, America, Europe ug Oceania.
Sa iyang bahin si SBP official Sonny Barrios miingon nga wala pa sila'y plano nga musuway og kuha sa hosting rite sa Olympic qualifier ug gitagaan pa nila og panahon ang nahitabo sa miaging FIBA Asia.
"Right now, there is no plan to bid. Masyadong sariwa pa ang Silver Medal - we want to savour it for the meantime," matud pa ni Barrios sa Philtar.com.
Pipila sa mga lig-ong koponan nga moduwa sa maong torneyo naglakip sa kanhi Euro champ France, Serbia, Senegal, New Zealand, Mexico ug Canada. (BANAT NEWS)
- Latest
