CHC mopasiugda’g liga

CEBU, Philippines - Ang Compostela Hardcourt Club (CHC) ubos sa ilang   presidente  mopahigayon  sa    labing una  nilang  Christmas league   nga  gikatakdang buksan   sa   Oktubre 11 didto  sa  Compostela gym.

Unom ka teams ang kompirmadong mopakita’g aksiyon sa maong inter-color tournament ug kini mao ang Black, Orange, Blue, White Matt (matte) Gold ug Green.

Ang matag team pagalangkuban og 12 ka players.

Namugna ang maong grupo  aron adunay kalingawan ang mga mahiligon og basketbol sa Compostela gawas pa sa tinuoray nga katuyoan nga mao ang “physical fitness” ug camaraderie sa mga hamtong nga basketball fanatics.

Ang tanang mga interesado nga mosalmot, mopailawom una sa usa ka drafting nga himuon ugma  didto gihapon sa Compostela gym.