Villaplaza, Carvajal daog sa World Heart Day Fun Run
CEBU, Philippines – Sila si Dr. Benjamin Villaplaza ug Dr. Kristine Carvajal migawas nga mananaug sa World Heart Day Fun Run kagahapon didto sa Parkmall grounds sa Mandaue City.
Si Villaplaza nag-una sa doctor’s 6K division human niya gitapos ang lumba sud sa 26 minutos ug 15 segundos, gisundan siya ni Dr. Nario Manos sa oras nga 27:21 ug si Dr. Bryan Belandres mitugpa sa ikatulo sa oras nga 27:25.
Sa pikas bahin, si Carvajal milabni sa women’s title sa oras nga 31:28, samtang si Emily Estrada (30:35) ug Weda Lim (33:00) maoy second ug third placer.
Sila si Dr. Glen Ramirez (16:16) ug Dr.Gladys Napigkit (19:52) midaog sa tagsa-tagsa nila ka mga kategoriya sa 3K class.
Sa 6K pharma, naghari sa men’s division si Vito Sayson sa oras nga 28:27, samtang si Eula Dorothy Mercado naglawig sa oras nga 42:33 alang sa women’s class.
Sa open division, si Joseph Batoctoy ug Ina Velasco nag-una sa 3K division, samtang si Sheryl Raro ug Regie Peralta ang mananaug sa 6K. (BANAT NEWS)
- Latest
